Sjutoppsturen på Sandsøya feirer jubileum med den 20. utgåva langfredag 3. april 2026. Sidan starten i 2005 har arrangementet vore fast på kalenderen med unntak av dei to åra 2020 og 2021. Bli med på nok ein eventyrleg fjelltur i havgapet!

Løypa går over sju fjelltoppar midt mellom Sunnmørsalpane og Stadhavet. Du kan velge mosjons- eller konkurranseklasse over fjella, eller turmarsj på landevegen.

Konkurranseklassa har starttidspunkt kl. 13.00, medan arrangementet er rigga for mosjonsdeltakarar frå kl. 08.

Påmelding til konkurranseklassa må gjerast innan onsdag 1. april kl. 23.59. Nettpåmelding til mosjonsklassa og landevegsmarsjen er open fram til langfredag 3. april kl. 12.00. Det er også mogleg å melde seg på i start- og målområdet ved Rosenlund Hamn skjærtorsdag og på turdagen.

Velkomen til Sandsøya!

Komplett informasjon er å finne på nettsidene sandsoyil.no/sjutoppsturen.