Sjutoppsturen på Sandsøya går for nittande gong av stabelen langfredag 18. april 2025. I år utan verken x3-løpet eller uttaksstatus til internasjonale meisterskap. Det legg uansett ingen dempar på forventningane våre til årets relativt seine påske.

Løypa går over sju fjelltoppar midt mellom Sunnmørsalpane og Stadhavet. Du kan velge mosjons- eller konkurranseklasse over fjella, eller turmarsj på landevegen. Turen har vorte arrangert årleg sidan påska 2005 - sist i 2024 med 545 deltakarar.

Konkurranseklassa har starttidspunkt kl. 13.00, medan arrangementet er rigga for mosjonsdeltakarar frå kl. 08.

Påmelding til konkurranseklassa må gjerast innan onsdag 16. april kl. 23.59. Nettpåmelding til mosjonsklassa og landevegsmarsjen er open fram til langfredag 18. april kl. 12.00. Det er også mogleg å melde seg på i start- og målområdet ved Rosenlund Hamn skjærtorsdag og på turdagen.

Velkomen til Sandsøya!

Komplett informasjon er å finne på nettsidene sandsoyil.no/sjutoppsturen.