Stord friidrett ønskjer velkommen til ein skikkeleg løpsfest i Leirvik sentrum laurdag 4. mai 2024. Dei fem første utgåvene av dette arrangementet hadde namnet Sunnhordland Maraton. I 2024 kjem arrangementet i heilt ny drakt, som Sunnhordland løpsfest.

Distansar: 5 km, 10 km, halvmaraton, barneløp og superløp for personar med nedsett funksjonsevne (tidlegare Team PULS).

Start og mål er i Borggata på Vikjo. I 2024 gjeld dette også for 5 km, som tidlegare har hatt start på Kattatveit. Den nye traséen til 5 km finn du info om på Facebook eller nettsida til Sunnhordland løpsfest.

Påmeldinga til dei ordinære distansane og superløpet gjer du her på EQ Timing.

Påmeldingsskjema til barneløpet finn du her (Google skjema). Barneløpet er ca 450 meter langt, og vil bli delt opp i to startar; ein med foreldrefølge og ein utan.

Merk: I 2024 er alle barneløpa til Stord friidrett gratis å delta på. Skal ein derimot springa ein av dei ordinære distansane, må ein betala vanleg pris. Prisen aukar fire gonger fram mot arrangementet: 27. november, 1. februar, 1. april og 29. april. For dei under 18 stoppar prisauken allereie 27. november.

After Run Show: I 2024 skal me blåsa liv igjen i After Run-arrangementet på Arena. Klokka 18:00 opnar dørene for deltakarane som har kjøpt After Run-billett via EQ Timing (først mogleg etter at ein har valgt distanse) og eventuelle vener av desse (sjå under).

Her blir det pizza til løpsfestpris og vorspiel. Aldersgrense 18 år. Dei som kjøper billett via det ordinære billetsalet, slepp i utgangspunktet inn klokka 20.30, men kan sleppa inn tidlegare ifølge med ein løpar. Klokka 21.30 går det eksepsjonelle superbandet Rein Underhaldning på scenen.

Sjekk Facebook for fortløpande nyheiter frå Stord friidrett.

Facebook-arrangement: Sunnhordland løpsfest 2024

Sjå nettsida til Sunnhordland løpsfest for praktisk informasjon.