AUSTEVOLLSLØPET NR. 43 – I NY DRAKT!

Laurdag 17. oktober 2026 inviterer Austevoll IK Friidrett til Austevollsløpet nr. 43 på Austevoll Idrettsanlegg.

I tillegg til tradisjonell 5 km vert det i år også halvmaraton. Det er samtidig innlagt Kretsmeisterskap i landevegsløp både på 5 km og halvmaraton.

PROGRAM:

Kl. 12.30 – Mini-Mini Maraton 870 m (0–10 år)

Kl. 13.10 – Austevollsløpet 5 km frå 11 år og oppover

Kl. 13.10 – KM 5km frå 13 år og oppover. Austevollsløpet og Halvmaraton frå 15 år og oppover

I år har me igjen teke på oss å arrangera Kretsmeisterskapet i landevegsløp. Denne gangen vert det KM 5 km og halvmaraton, i staden for 10 km som i fjor.

I Austevollsløpet 5 km kan alle frå 11 år og oppover delta. I Austevollsløpet halvmaraton er aldersgrensa 15 år.KM 5km frå 13år og KM halvmaraton frå 15år.Deltakarar som ønskjer å delta i krinsmeisterskapet (KM), må vera medlem i ein friidrettsklubb. Hugs å kryssa av for friidrett i medlemskapet.

5 km-løpet går i den tradisjonelle løypa. Den nye og spektakulære halvmaratonløypa går frå Bakkasund via Skår til Austevoll Idrettsanlegg. Dette er ein fantastisk trase som startar heilt ytst i havgapet og fører deltakarane over øyar og bruer gjennom storslått vestlandsnatur.

Det går buss frå Austevoll Idrettsanlegg kl. 11.45. Bussen kjem fram til startområdet om lag kl. 12.15.

.Austevollsløpet vart arrangert første gang tidleg på 1980-talet. Den gong gjekk løypa frå Vinnes over brua og til skulen på Selbjørn. Sidan har løpet vore arrangert fleire stader rundt i kommunen. Dei siste åra har løypa gått over Austevollsbrua til Austevoll Idrettsanlegg.

I 2022, då den nye løpebanen stod ferdig, vart det både start og mål på Austevoll Idrettsanlegg. Løypa er kontrollmålt og godkjend, så løpet er nøyaktig 5 km – og sjølvsagt så flatt som mogeleg, med berre 41 meter total høgdeskilnad. Både 5 km og halvmaraton vil bli kontrollmålt og godkjend på ny i år.

MINI-MINI MARATON

For dei aller minste arrangerer me Mini-Mini Maraton på 870 meter. Start kl. 12.30.

Løypa startar på banen og svingar ut porten i sør. Deretter spring ein rundt fotballbane 2 før ein kjem inn på banen igjen og følgjer løpebanen inn til mål. Dette er ei oversikteleg løype der ein kan sjå deltakarane frå målområdet nesten heile tida.

STAFETT FOR BEDRIFTER, AUSTEVOLL KOMMUNE ADMINISTRASJON OG POLITIKARAR: Halvmaraton stafett maks 5 etappar. Kvar deltakar kan berre springa 1 etappe. Laga bestemmer sjølv korleis dei vil dela inn etappane. (Hugs å la dei som vil springa individuelt få gjer det… ikkje press dei inn på stafettlaget ) Kvar bedrift kan stila med så mange lag dei ønskjer. Startkontingent 1000kr pr. lag. Meld på i EQtiming. same link som de finn i annonsering. Påmelding med namnet til kaptein på stafettlaget. Lagoppstilling sendes til friidrett.aik.no. Alle på laget får deltakarmedaljar.

ALLE MED STARTNUMMER ER MED I TREKNINGA AV FINE GÅVEPREMIAR!

Garderobar er tilgjengelege i Austevollhallen.

PÅMELDING

Mini-Mini Maraton:

Påmelding på e-post til friidrett@aik.no

Me treng fullt namn, fødselsår, kjønn og klubb.

Austevollsløpet og KM 5 km/halvmaraton:

Påmelding på EQ Timing:

https://live.eqtiming.com/79091#dashboard

Startkontingent

Mini-Mini Maraton: GRATIS

5 kilometer Austevollsløp og KM: 150 kr

Halvmaraton Austevollsløp og KM: 250 kr

FERJER

Frå Krokeide:

09.40 – framme ca. 10.30

11.10 – framme ca. 12.00

Frå Sandvikvåg:

10.50 – framme litt før 11.30

Me tek atterhald om ruteendringar.

Dersom det er noko ein lurer på kan ein ta kontakt med Svein Harald Haukanes på 90165709.

Me gler oss til å sjå deg!