Velkommen til Såto Opp - eit trappeløp opp Tysnessåta 753 moh.

SvingenPuls, Venelaget Tysnessåta og Tysnesfest kickstartar Tysnesfestveka torsdag 10.juli med løp og konsert på Tysnessåta. Alle som kjem seg opp dei 1000 trappetrinna, 2 kilometer lange trasèen, og 500 høgdemetra frå start til mål - får i tillegg oppleve ein uforgløymeleg konsert med Jo Nesbø på fjelltoppen!

Løpet passar både mosjonistar, ungdommar og proffe, og ein vil starte puljevis utifrå klassar.

Alle deltakarar får teknisk t-skjorte og goodie-bag, og alle er også med i trekninga av ei rekkje flotte premiar sponsa av det lokale næringslivet. Det vil også bli premiering til 1-3.plass i konkurranseklassane.

Dette er fyrste gang løpet blir arrangert, så her har du moglegheiten til å bli med på ein historisk begivenheit opp Tysnes sitt høgaste fjell - dette vil du få med deg!

Takk til Tysnes Kraftlag og lokale sponsorer som gjer arrangementet med løp og konsert mogleg!